40 წლის პორტუგალიელი ვარსკვლავი რონალდუ WOWfc-ის პრომოუშენის თანამფლობელი გახდა. ამის შესახებ ლიგის პრესსამსახური იტყობინება.
„მოხარულები ვართ გაცნობოთ, რომ კრიშტიანუ რონალდუ WOW-ს შეუერთდება, როგორც მთავარი პარტნიორი.
კრიშტიანუ გაცილებით მეტია, ვიდრე უბრალოდ სპორტული ხატი, ის გლობალური მისაბაძი მაგალითია როგორც მოედანზე, ასევე მის გარეთ. ისტორიის ერთ-ერთი უდიდესი სპორტსმენი ჩვენს ოჯახს უერთდება, რათა კიდევ უფრო დააჩქაროს MMA-ს გლობალური ზრდა“,- აღნიშნულია WOW-ის მიერ გავრცელებულ განცხადებაში, სადაც გულშემატკივრები აღფრთოვანებას ვერ მალავენ.
აღნიშნული ორგანიზაციის მსუბუქ წონაში UFC-ის დაუმარცხებელი ჩემპიონი ილია თოფურიაა. ქართველმა მებრძოლმა რონალდუს სიახლე მიულოცა და გულთბილად მიიღო.
„კეთილი იყოს შენი მობრძანება, ბიჭო!“, – მიმართავს ილია თოფურია ლეგენდარულ ფეხბურთელს.
კრიშტიანუმ პოსტი სოციალურ ქსელში გამოაქვეყნა:
„სიხარულით გაცნობებთ მნიშვნელოვან სიახლეს: გავხდი WOWfc-ის აქციონერი! ჩვენ ვიზიარებთ იმ ფასეულობებს, რომლებიც ღრმად მჯერა: პატივისცემას, გულწრფელობასა და სრულყოფისკენ მუდამ სწრაფვას. WOWfc რაღაც უნიკალურს და მძლავრს ქმნის, ვამაყობ, რომ ამ პროექტს შევუერთდი. ის სპორტის განვითარებას ეხება და მოტივაციას შთააგონებს“,- წერს კრიშტიანუ რონალდუ.