რას გვირჩევენ ვარსკვლავები 24 დეკემბრისთვის ჯანმრთელობის, ბიზნესის და სიყვარულის მიმართულებით?
ვერძი
რთული დღეა, რომელსაც ცრუ იმედები, ამაო მოლოდინი და დეპრესია ახლავს. მოსალოდნელია ჯანმრთელობასთან დაკავშირებული პრობლემა – ინფექციური დაავადება, ტრავმა ან ემოციური სტრესი. ვარსკვლავები გირჩევენ მხოლოდ ის საქმე აკეთოთ, რომელიც კარგად გესმით. ერიდეთ ექსპერიმენტებს, ფიზიკურ დატვირთვას, რისკს, მუშაობას მჭრელ და ელექტრო ხელსაწყოებთან.
კურო
ბედი მოულოდნელ სიურპრიზს გიმზადებთ. ინტუიცია და შორსმჭვრეტელობა სასურველი შემოსავლის მიღებაში დაგეხმარებათ. სარისკო საქმემაც კი შეიძლება მოგება მოგიტანოთ, თუ დროულად შეჩერება შეძელით. ამ დღეს ბედი გიღიმით, მაგრამ უსიამოვნებებიც გელოდებათ – მოსალოდნელია კონფლიქტი, რომელსაც არასასურველი შედეგები მოჰყვება. გირჩევთ საღამო ოჯახთან ერთად გაატარეთ. ახლობლებთან ურთიერთობა ენერგიას შეგმატებთ.
ტყუპები
ამ დღეს თამამად შეგიძლიათ, ისეთ საქმეებსაც კი შეეჭიდოთ, რომლებზეც ბუნდოვანი წარმოდგენა გაქვთ. ოპტიმიზმისა და სიმტკიცის წყალობით თქვენი ავტორიტეტი გაიზრდება. ნებისმიერი შეხვედრა წარმატებით ჩაივლის – თქვენთვის ძალიან ადვილი იქნება შეთანხმების მიღწევა. უარს ნუ იტყვით დახმარებაზე, რაოდენ უმნიშვნელოც არ უნდა მოგეჩვენოთ.
კირჩხიბი
გამორიცხული არ არის, რომ დღეს თქვენი მოქმედებები საყოველთაოდ მიღებულ წესებს დაუპირისპირდეს. ჩანაფიქრის განხორციელება ძალიან რთული იქნება. შეიძლება სამსახურსა და სახლში საუთარი ავტორიტეტის დაცვა მოგიწიოთ. გირჩევთ ფული მომჭირნედ ხარჯოთ, რადგან ბოლო დროს გაუთვალისწინებელი ხარჯები გელით. ამ დღეს დიდია უბედური შემთხვევის ალბათობა.
ლომი
ფიზიკური თვალსაზრისით არახელსაყრელი დღეა. მოსალოდნელია ჯანმრთელობასთან დაკავშირებული საფრთხეები – დაზიანება ან ნერვული სტრესი, რომელიც ცუდი ამბის გაგებას უკავშირდება. მოერიდეთ ფიზიკურ დატვირთვას, სარისკო მოქმედებებს, მჭრელ და ელექტრო ხელსაწყოებთან მუშაობას. ეცადეთ, დღის მეორე ნახევარი სიმშვიდესა და მარტოობაში გაატაროთ.
ქალწული
კვირის ბოლოს მოსალოდნელია პესიმისტური განწყობა და დეპრესიაც კი. უმჯობესია, ამ მდგომარეობიდან ყურადღება უფრო სასიამოვნო საქმეებზე გადაიტანოთ. მაგალითად, შეგიძლიათ ეს დღე მატერიალური პრობლემების მოგვარებას და სახლის კეთილმოწყობასთან დაკავშირებულ საკითხებს დაუთმეთ. ბავშვებთან ურთიერთობაში ერიდეთ ძალის გამოყენებას.
სასწორი
ამ დღეს ვარსკვლავები გირჩევენ, რომ ახალი საქმის კეთებას ენერგიულად შეუდგეთ. არ არის გამორიცხული, სერიოზული ურთიერთობა დაამყაროთ საპირისპირო სქესის წარმომადგენელთან. ეცადეთ, სიფრთხილით მოეკიდოთ ზედმეტად რომანტიკულ თავგადასავლებს, რომლებმაც შეიძლება, უსიამოვნო შედეგები მოგიტანოთ. დაოჯახებულ სასწორებს ოჯახთან ერთად ბუნებაში წასვლას ვურჩევთ – ეს სასარგებლო იქნება როგორც თქვენთვის, ასევე ბავშვებისთვის.
მორიელი
აქტიური დღეა, რომელიც ხელსაყრელია მოლაპარაკებებისა და იურიდიული კონსულტაციის მისაღებად. ეცადეთ, თავდაჯერებული და მტკიცე მოქმედება პერსპექტიული საქმეების დაგეგმვასთან შეათანხმოთ. სიბრძნე, ინტუიცია და დამოუკიდებლობა მნიშვნელოვანი, ყოველდღიური პრობლემების მოგვარებაში დაგეხმარებათ.
მშვილდოსანი
საშიში დღეა. ვარსკვლავები გირჩევენ, რომ სარისკო და ექსტრემალურ მოქმედებებს ერიდოთ. მოსალოდნელია სასიყვარულო ურთიერთობებში წარუმატებლობა ან ნაცნობებთან (მაგალითად, მეზობლებთან) შეჯახება, რომელიც თქვენს სასარგებლოდ არ დასრულდება. შესაძლებელია განწყობის მკვეთრი შეცვლა, თავის ტკივილი და ინფექციური დაავადება. სავსე მთვარის გავლენა ინტუიციას და წინასწარმეტყველების უნარს გააძლიერებს.
თხის რქა
სავარაუდოდ, სასიამოვნო მოგზაურობა ან მოულოდნელი ნაცნობობა გელით, რომელიც დიდი ხნის განმავლობაში გემახსოვრებათ და უამრავ სასიამოვნო ემოციას მოგიტანთ. ეს დღე მატერიალური პრობლემების მოგვარებას და ისეთ საქმეებს უნდა დაუთმოთ, რომლებიც პირად კეთილდღეობას უკავშირდება. ბავშვებთან ურთიერთობისას ძალის გამოყენებას ერიდეთ. გაითვალისწინეთ, რომ თქვენი სიმკაცრე ხელს უშლის ოჯახში ჰარმონიული ურთიერთობის დამყარებას.
მერწყული
ხელსაყრელი დღეა ახალი ნაცნობობისა და გართობისთვის. თუ ამ დღეს მეგობრებს თქვენთან სტუმრად მოსვლის სურვილი გაუჩნდათ, თავაზიანად დათანხმდით – მათთან ურთიერთობა თქვენთვის სასარგებლო იქნება. ეცადეთ, საკუთარი პრინციპები შეცვალოთ და ყოველდღიური პრობლემების მოგვარებაში აქტიურად ჩაერთოთ.
თევზი
მოტივირებული და პრინციპული ადამიანებისთვის ხელსაყრელი დღეა. ამ დღის გამოყენება სასურველია მოლაპარაკებებისა და საჭირო იურიდიული კონსულტაციის მიღებისთვის. დასახული მიზნებისკენ თავდაჯერებულ წინსვლას ახალი და პერსპექტიული საქმეების მიმართ ინტერესი უნდა დაუმატოთ. მნიშვნელოვანი პრობლემების გადაჭრის დროს მხოლოდ საკუთარ ინტუიციას უნდა ენდოთ.
