რას გვირჩევენ ვარსკვლავები 18 იანვრისთვის ჯანმრთელობის, ბიზნესის და სიყვარულის მიმართულებით?
ვერძი
ასტროლოგები გირჩევენ, რომ საყვარელ ადამიანს უფრო მეტად ენდოთ. ზედმეტმა ეჭვიანობამ შესაძლოა, თქვენთვის ძვირფასი ადამიანი დააფრთხოს და წასვლა აიძულოს. განწყობა შესანიშნავია, ნერვიულობას კი გულახდილი საუბარი განკურნავს.
ამ დღეს პროფესიული საქმიანობა ჩვეულებრივზე მეტ ძალისხმევას მოითხოვს, ამიტომ საღამოს საათებში სრულფასოვანი დასვენება დაგჭირდებათ. ჰოროსკოპი ფინანსურად წარმატებულ დღეს გიწინასწარმეტყველებთ, რადგან მერკურის ენერგეტიკა საგრძნობლად მოიმატებს. გამორიცხული არ არის ახალი იდეები და შემოსავლის ზრდა.
სიფრთხილე გამოიჩინეთ მანქანის მართვისას და ქუჩაზე გადასვლის დროს — მარსის უარყოფითმა გავლენამ შეიძლება ავტოსაგზაო შემთხვევა გამოიწვიოს.
კურო
საოჯახო საქმეების გამო ახალი ნაცნობობისა და ურთიერთობების დაწყებისთვის დრო აღარ დაგრჩებათ, სამაგიეროდ, ყველაფერს მოასწრებთ, რასაც სამომავლოდ ინახავდით. ვარსკვლავები ოჯახში ჰარმონიას, მშვიდობასა და ერთსულოვნებას გპირდებიან. შანსი გაქვთ, რომ ძველი კონფლიქტები მოაგვაროთ და სამომავლო გეგმები შეადგინოთ.
სამსახურში დიდი დატვირთვა შეიძლება პირად ცხოვრებაში უკმაყოფილებისა და გაუცხოების მიზეზი გახდეს. გირჩევთ დაწყებული საქმე შუა გზაზე არ მიატოვოთ და იმას არ შეეჭიდოთ, რაც კარგად არ გესმით. დღის პირველი ნახევარი სატურნის გავლენის გამო მშვიდად და პასიურად ჩაივლის, თუმცა საღამოს თავს გაცილებით მხნედ იგრძნობთ.
ტყუპები
მარტოხელა ადამიანებს ახალი ნაცნობობა და სიყვარული ელით, მათ კი ვინც უკვე ურთიერთობაშია, შესაძლოა ტაქტიკის შეცვლა დასჭირდეთ. სასურველია, რომ ეს დღე საყოფაცხოვრებო საქმეებს დაუთმოთ — შეგიძლიათ სასარგებლო ნივთები შეიძინოთ, რემონტი დაიწყოთ ან ავეჯი გადააადგილოთ.
ინტუიცია საქმეში სწორ მიმართულებას გიკარნახებთ. ენდეთ საკუთარ გრძნობებს, ისინი მნიშვნელოვანი გადაწყვეტილებების მიღებაში დაგეხმარებათ. უფრთხილდით თაღლითებს, რომლებმაც შესაძლოა თქვენი გულუბრყვილობით ისარგებლონ.
დიეტის დაწყებისთვის არახელსაყრელი დღეა – ახლა თქვენთვის შეზღუდვები საზიანო იქნება, თუმცა ეს იმას არ ნიშნავს, რომ ზომიერება დაივიწყოთ.
კირჩხიბი
ვარსკვლავები ვარაუდობენ, რომ ურთიერთობის შენარჩუნებისთვის დათმობაზე წასვლა მოგიწევთ. დაფიქრდით, ამისთვის მზად ხართ? ეცადეთ, საყოველთაოდ მიღებული წესები დაიცვათ, რათა გარშემომყოფების უარყოფითი რეაქცია არ გამოიწვიოთ. გაითვალისწინეთ, რომ უფროსობა ყურადღებით გაკვირდებათ, ამიტომ დისციპლინა არ უნდა დაარღვიოთ.
მოვლენებს ნუ დააჩქარებთ და ნუ ეცდებით, რომ საქმეები სწრაფად დაასრულოთ. ცხოვრება ხშირად ისეთ თავსატეხებს გვთავაზობს, რომლებსაც ყველა ვერ უმკლავდება, თუმცა ადრე თუ გვიან, თქვენს სახლსა და სულში სიმშვიდე დაისადგურებს.
ლომი
თავშეკავების პერიოდი სრულდება, ახლა შეგიძლიათ ყველაზე თამამ ფანტაზიებსაც კი გასაქანი მისცეთ! ცხოვრების ამ დღესასწაულს უფლება მიეცით, რომ სწრაფ ფერხულში ჩაგითრიოთ. ახლა ყველაზე მეტად დადებითი ემოციები გჭირდებათ. ეცადეთ, ოჯახის წევრები სიურპრიზით გაახაროთ.
სამსახურში შესაძლოა, ერთ-ერთმა კოლეგამ თქვენით მანიპულირება სცადოს. ყველაფერი კარგად აწონ-დაწონეთ და ნუ განახორციელებთ ინვესტიციას პროექტებში, რომლებსაც კარგად არ იცნობთ.
ქალწული
სასიყვარულო ფრონტზე ვითარებას თქვენი მწარე ენა და პრეტენზიები გაართულებს. მოვლენებს ნუ დააჩქარებთ – ცხოვრება რთული ვითარებიდან გამოსავალს მალე დაგანახვებთ. მალე ოჯახში სიმშვიდე და სიყვარული დაისადგურებს, პრობლემები კი თქვენს სახლს გვერდს აუვლიან. მიზანდასახულობა და სიმტკიცე ნებისმიერი დაბრკოლების გადალახვაში დაგეხმარებათ. სირთულეები ნუ შეგაშინებთ – იღბალს ისინი უყვარს, ვინც არასოდეს ნებდება.
გადაუდებელი საქმეები მოულოდნელ ფინანსურ ხარჯებს მოითხოვს. საჭიროების შემთხვევაში, სჯობს ფული ნაცნობებისგან ან ნათესავებისგან ისესხოთ, ვიდრე ბანკის კრედიტი აიღოთ. საღამოს ტელევიზორთან ან კომპიუტერთან ჯდომის ნაცვლად, გირჩევთ გარეთ გახვიდეთ და სუფთა ჰაერზე ისეირნოთ.
სასწორი
სასიცოცხლო ძალების მოზღვავებას იგრძნობთ, რაც დაგროვილი საქმეების დასრულებაში დაგეხმარებათ. ხელსაყრელი დღეა შემოქმედებითი საქმიანობისა და სასიყვარულო შეხვედრებისთვის. ეცადეთ, სამსახური და საოჯახო საქმეები ერთმანეთში არ აურიოთ. თუ გრძნობთ, რომ ურთიერთობა დამღლელი და მომაბეზრებელი გახდა, შეგიძლიათ ყოველგვარი სინანულის გარეშე გაწყვიტოთ.
არახელსაყრელი დღეა უძრავი ქონების ყიდვისა და მსხვილი შენაძენებისთვის — უმჯობესია, რომ გარიგება სხვა დროისთვის გადადოთ. ეცადეთ მოვლენების განვითარების ყველა შესაძლო ვარიანტი განიხილოთ, რომ გამოწვევას მომზადებული დახვდეთ.
მორიელი
სხვის რჩევებს ნაკლებად უსმინეთ — მათმა ჩარევამ შესაძლოა ჩანაფიქრის განხორციელებაში ხელი შეგიშალოთ. წარმატებული დღეა როგორც ერთობლივი საქმეების დაგეგმვის, ისე აქტიური დასვენებისა და პაემნისთვის. გირჩევთ, ოჯახის ფინანსურ მიზნებს გადახედოთ, ბიუჯეტი შეადგინოთ და იმსჯელოთ, თანხის დაზოგვა რაზე შეიძლება. გახსოვდეთ, რომ წარმატება მხოლოდ მუდმივი ძალისხმევით მიიღწევა. არჩევანი თქვენზეა — შეგიძლიათ დღე პასიურ დასვენებაში გაატაროთ ან პროფესიული ზრდისთვის რაიმე სასარგებლო გააკეთოთ.
მშვილდოსნის ნიშანში მერკურის ყოფნა მატერიალურ სტაბილურობას გპირდებათ. მოერიდეთ კონფლიქტურ სიტუაციებში ჩარევას და გამონახეთ დრო საკუთარი თავისთვის.
მშვილდოსანი
შესაძლოა, ამ დღეს დიდი იმედგაცრუება იგრძნოთ, თუმცა ეს გრძნობა დიდხანს არ გაგყვებათ. ოჯახურ დებატებში ეცადეთ, მეტი მოქნილობა გამოიჩინოთ. თუ საკუთარ მოსაზრებას მეტისმეტი გააფთრებით დაიცავთ, გარშემომყოფები პრინციპულ კი არა, უტაქტო ადამიანად ჩაგთვლიან.
ვარსკვლავები გირჩევენ, თქვენი ფინანსური შესაძლებლობები ობიექტურად შეაფასოთ! ძვირად ღირებული ნივთის შესაძენად ვალის აღებას მოერიდეთ.
საღამოს თავი შეიკავეთ ალკოჰოლური სასმელების მიღებისგან – შესაძლოა, მეგობრებს ან ახლობლებს თქვენი დახმარება დასჭირდეთ.
თხის რქა
ამ დღეს მზად იყავით მოულოდნელობებისთვის. სიმშვიდე შეინარჩუნეთ და ყურადღებას ნუ მიაქცევთ ჭორებს, რომლებიც თქვენამდე მოაღწევს. განმარტოებისთვის საუკეთესო ადგილი საკუთარი სახლია. გირჩევთ, თქვენს ფიზიკურ მდგომარეობას მეტი ყურადღება მიაქციოთ.
სამსახურში სირთულეები უკან დარჩა და კოლეგებთან ურთიერთობა ნელ-ნელა ლაგდება. სატურნისა და პლუტონის ნეგატიური ასპექტის გამო, შესაძლოა, მეტეოდამოკიდებული თხის რქები თავის ტკივილმა შეაწუხოს, თუმცა საღამომდე უსიამოვნო სიმპტომები უკვალოდ გაქრება.
მერწყული
ამ დღეს საინტერესო ადამიანს შეხვდებით. ჰოროსკოპი გირჩევთ, რომ მის სიტყვებს ყურადღებით მოუსმინოთ. შვილებთან ურთიერთობაში მოსალოდნელია სირთულეები — საკუთარი ავტორიტეტის გადასარჩენად, უკან არ უნდა დაიხიოთ.
სავარაუდოდ, ხელმძღვანელობა ლიდერობისკენ თქვენს სწრაფვას შენიშნავს და შესაძლოა, დაწინაურებაც შემოგთავაზონ. გირჩევთ, მთელი ძალისხმევა საკუთარი ოცნებისა და იმ მიზნისკენ მიმართოთ, რომელიც მიუღწეველი გეჩვენებათ. საღამოს მარტო გატარებული დრო სიმშვიდესა და სიამოვნებას მოგანიჭებთ.
თევზები
შესაძლოა, ძალიან ძლიერმა გრძნობამ შეგიპყროთ, რომლისთვისაც წინააღმდეგობის გაწევა გაგიჭირდებათ. ამ დღეს ინტუიცია და წინათგრძნობის უნარი გაძლიერდება. დღის პირველ ნახევარში სასიამოვნო ცნობას მიიღებთ, რომელიც არა მხოლოდ თქვენ, არამედ თქვენს ოჯახსაც გაახარებს. ამ დღეს ისეთ საჩუქარს მოგიძღვნიან, რომელზეც დიდხანს ოცნებობდით.
თუ ქრონიკული დაავადებები ან სპორტული ტრავმები თავს შეგახსენებენ, ნუ უგულებელყოფთ სიმპტომებს და მკურნალობა დაუყოვნებლივ დაიწყეთ.